മലപ്പുറം: മഅ്ദിൻ അക്കാദമിക്ക് കീഴിൽ മത-ഭൗതിക സമന്വയ വിദ്യാഭ്യാസം നേടുന്ന അയ്യായിരത്തോളം വിദ്യാർത്ഥികളുടെ പുതിയ അധ്യയന വർഷത്തെ പഠനാരംഭ ചടങ്ങായ ‘ബിദായ’ പ്രൗഢമായി സംഘടിപ്പിച്ചു. തൂവെള്ള വസ്ത്രങ്ങളണിഞ്ഞ വിദ്യാർത്ഥികളുടെ വൻ നിര മഅ്ദിൻ ക്യാമ്പസിന് ദൃശ്യവിസ്മയമൊരുക്കി.

മഅ്ദിൻ അക്കാദമി ചെയർമാനും സമസ്ത സെക്രട്ടറിയുമായ സയ്യിദ് ഇബ്‌റാഹീമുൽ ഖലീൽ അൽ ബുഖാരി ചടങ്ങിന് നേതൃത്വം നൽകി. ശൈഖ് സൈനുദ്ദീൻ മഖ്ദൂമിന്റെ പ്രശസ്ത കർമ്മശാസ്ത്ര ഗ്രന്ഥമായ ‘ഫത്ഹുൽ മുഈൻ’ ആദ്യ വാചകങ്ങൾ ചൊല്ലിക്കൊടുത്താണ് അദ്ദേഹം വിദ്യാർത്ഥികളുടെ പഠനത്തിന് തുടക്കം കുറിച്ചത്. ആറാം ക്ലാസ് മുതൽ പി.ജി തലം വരെ സൗജന്യ പഠനം നടത്തുന്ന വിദ്യാർത്ഥികളാണ് പരിപാടിയിൽ പങ്കെടുത്തത്.

അക്കാദമിക് തിളക്കത്തോടെ പുതിയ അധ്യയന വർഷം

ജെ.ആർ.എഫ് (JRF), യു.ജി.സി നെറ്റ്, ദേശീയ-അന്തർദേശീയ സർവ്വകലാശാലകളിലേക്കുള്ള പ്രവേശനം തുടങ്ങി കഴിഞ്ഞ അധ്യയന വർഷത്തിൽ മികച്ച നേട്ടങ്ങൾ കൈവരിച്ച പ്രതിഭകളെ ചടങ്ങിൽ ചെയർമാൻ ആദരിച്ചു:

അന്താരാഷ്ട്ര ഇന്റേൺഷിപ്പ് നേട്ടങ്ങൾ:

• സയ്യിദ് അബ്ദുൽ ബാസിത്ത് റിഫാഈ അൽ അദനി (കാസർകോട്) — സ്പാനിഷ് ഗവൺമെന്റ് ഇന്റേൺഷിപ്പ്.
• സയ്യിദ് മുബഷിർ ഹാദി (ഉപ്പള), സയ്യിദ് സുഹൈൽ മശ്ഹൂർ (തിരൂർ) — ഇന്തോനേഷ്യൻ ഗവൺമെന്റ് ഇന്റേൺഷിപ്പ്.

പ്രമുഖ ഐ.ഐ.ടി പ്രവേശനങ്ങൾ:

• അഷ്ഫാഖ് അദനി (കുമരംപുത്തൂർ) — IIT ഗാന്ധിനഗർ (MA Society & Culture).
• സയ്യിദ് നവാസ് ബാഫഖി, സയ്യിദ് ഉവൈസ് ബാഫഖി (മൊറയൂർ) — IIT മദ്രാസ് (MSc Chemistry).

UGC-NET & JRF ജേതാക്കൾ:

• അറബിക് JRF: നാസിഹ് അദനി (വേങ്ങര), അസ്‌ലം (വിളയൂർ).
• ഹിസ്റ്ററി JRF: ആഷിഖ് അദനി (വേങ്ങര).
• ഇക്കണോമിക്സ് JRF: ഇജ്‌ലാൽ യാസിർ അദനി (പെരുമുഖം).
• കോമേഴ്‌സ് JRF: മുനവ്വിർ (പാലേമാട്).
• ഇംഗ്ലീഷ് JRF: അബ്ദുൽ വഹാബ് (നെല്ലിക്കുത്ത്), ഇർഫാൻ ഹബീബ് (ഗൂഡല്ലൂർ).

മർക്കസ്, സഅദിയ്യ തഖസ്സുസുകളിൽ വിവിധ റാങ്കുകൾ കരസ്ഥമാക്കിയ വിദ്യാർത്ഥികളെയും ചടങ്ങിൽ അനുമോദിച്ചു.

ചടങ്ങിൽ പങ്കെടുത്ത പ്രമുഖർ:

സമസ്ത ജില്ലാ സെക്രട്ടറിയും കുല്ലിയ്യ ശരീഅ കൽപന മേധാവിയുമായ ഇബ്‌റാഹീം ബാഖവി മേൽമുറി, സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് സ്വാലിഹ് ഖാസിം അൽ ഐദറൂസി, അബൂബക്കർ സഖാഫി കുട്ടശ്ശേരി, അബ്ദുൽ ജലീൽ സഖാഫി കടലുണ്ടി, മുസ്തഫ സഖാഫി പുറമണ്ണൂർ, അബ്ദുന്നാസിർ അഹ്സനി കരേക്കാട്, അബൂബക്കർ സഖാഫി അരീക്കോട്, മൂസ ഫൈസി ആമപ്പൊയിൽ, അബൂബക്കർ അഹ്സനി പറപ്പൂർ, അബ്ദുൽ ഗഫൂർ കാമിൽ സഖാഫി കാവനൂർ, ഷഫീഖ് റഹ്മാൻ മിസ്ബാഹി പാതിരിക്കോട്, കെ.ടി. അബ്ദുസമദ് സഖാഫി മേൽമുറി, ബഷീർ സഅദി വയനാട്, അബ്ദുള്ള അമാനി പെരുമുഖം തുടങ്ങിയവർ സംബന്ധിച്ചു.