മോങ്ങം: കിഴിശ്ശേരി സബ്ജില്ലാ ശാസ്‌ത്രോത്സവത്തിൽ ഉന്നത വിജയവുമായി തൃപ്പനച്ചി മഅ്ദിൻ അൽ ഇർഷാദ് പബ്ലിക് സ്‌കൂൾ വിദ്യാർത്ഥികൾ. 54 സ്‌കൂളുകൾ മാറ്റുരച്ച സബ്ജില്ലാ മേളയിൽ മികച്ച പ്രകടനം കാഴ്ചവെച്ച അൽ ഇർഷാദ് സ്‌കൂൾ ഓവറോൾ മൂന്നാം സ്ഥാനം കരസ്ഥമാക്കി ശ്രദ്ധേയമായ നേട്ടം സ്വന്തമാക്കി.

വിവിധ ഇനങ്ങളിലായി തിളക്കമാർന്ന പ്രകടനമാണ് വിദ്യാർത്ഥികൾ പുറത്തെടുത്തത്. മത്സരിച്ച 13 ഇനങ്ങളിൽ ഒന്നാം സ്ഥാനവും (First), 12 ഇനങ്ങളിൽ രണ്ടാം സ്ഥാനവും (Second), 18 ഇനങ്ങളിൽ മൂന്നാം സ്ഥാനവും (Third) കരസ്ഥമാക്കാൻ അൽ ഇർഷാദ് ടീമിന് സാധിച്ചു.

ഇതിനുപുറമേ, ഹയർ സെക്കന്ററി വിഭാഗം വർക്ക് എക്‌സ്പീരിയൻസിൽ (Work Experience) രണ്ടാം സ്ഥാനവും, സോഷ്യൽ സയൻസ് (Social Science), ഐ.ടി (IT) വിഭാഗങ്ങളിൽ മൂന്നാം സ്ഥാനവും സ്‌കൂൾ സ്വന്തമാക്കി.

ഉന്നത വിജയം നേടി സ്‌കൂളിന്റെ പെരുമ ഉയർത്തിയ അൽ ഇർഷാദ് വിദ്യാർത്ഥികളെയും, അവർക്ക് മികച്ച പരിശീലനം നൽകിയ അധ്യാപകരെയും സ്‌കൂൾ മാനേജർ ഇസ്ഹാഖ് സഖാഫി എരുമപ്പെട്ടി, പ്രിൻസിപ്പൽ ശരീഫ് വെളിമുക്ക്, കോർഡിനേറ്റർ മനോജ് തൃപ്പനച്ചി എന്നിവർ പ്രത്യേകം അഭിനന്ദിച്ചു.